Ժամանելուն պես մենք ձեզ կհանդիպենք օդանավակայանում եւ կտեղափոխեք ձեր հյուրանոցը Երեւանում: Մի փոքր հանգստանալուց հետո ձեր տուրը սկսվում է շրջայցով երեկոյան Երևան քաղաքով: Հաղթանակ զբոսայգու դիտակետից դուք կկարողանաք վայելել հրաշալի տեսարան Երեւանի եւ Արարատ լեռան վրա: Էքսկուրսիան կշարունակվի դեպի Կասկադ համալիր` երեւանցիների սիրված հանգստի վայրերից մեկը: Կասկադը հսկայական սանդուղք է, որը կապում է քաղաքի կենտրոնը բնակելի տարածքի հետ: Ներքեւից կտեսնեք աշխարհահռչակ քանդակագործներին պատկանող յուրահատուկ քանդակներ: Դրանից հետո դուք կանցնեք քաղաքի գլխավոր փողոցով եւ կտեսնեք Օպերայի եւ բալետի ազգային թատրոնի շենքը, Երեւանի մի քանի կենտրոնական փողոցները, Հանրապետության հրապարակը` մայրաքաղաքի «սիրտը»: Գիշերակաց Երևանում:

Հյուրանոցում նախաճաշից հետո կուղևորվեք դեպի Լոռու մարզ: Լոռին Հայաստանի՝ մեծությամբ երրորդ մարզն է 3789 կմ² տարածքով, բնակչությամբ Լոռու մարզը զիջում է միայն Երևանին։ Առաջինը կայցելեք Լոռի բերդ, այն միջնադարյան ամրոց է, չնայած բերդն անխնա կերպով ավերվել է, սակայն պահպանվել են նրա մի քանի հատվածներ, որոնցից ուշագրավ են բաղնիքները և մատուռ-դամբարանը: Բնակելի թաղամասում բացված տներում առանձնանում են պատերի որմնանկարները, որոնք ի տարբերություն ժամանակամերձ ուրիշ հուշարձանների, աշխարհիկ բնույթի են: Այնուհետև կտեսնեք Հնեվանք վանական համալիրը, այժմ կիսավեր համալիրի կազմում եղել են երեք եկեղեցի, գավիթ, բնակելի, տնտեսական և օժանդակ շինություններ: Այցելություն Ախթալայի վանական համալիր, X դարում հիմնադրված պարսպապատ վանական համալիր է: Գիշերակաց Ստեփանավանում:

Հյուրանոցում նախաճաշից հետո կայցելեք բնական անտառից այգու վերածված Դենդրոպարկ: Այգու ընդհանուր տարածքի միայն մի մասի վրա են տեղակայված էկզոտիկ և յուրահատուկ բույսեր, իսկ գերակշռող մասը մինչ օրս զբաղեցնում է բնական անտառը: Սոճիների եթերայուղի շնորհիվ օդը այստեղ շատ օգտակար է շնչառական խնդիրներ ունեցող մարդկանց համար: Այգում կա գեղեցիկ փայտե կամուրջ, որի վերաբերյալ այցելուներն ունեն ավանդույթ. առաջին անգամ կամրջով անցնելիս կարելի է երազանք պահել, որն անպայման կիրականանա: Հաջորդը այցելում եք Օձուն քաղաք: Օձունի գմբեթավոր բազիլիկ եկեղեցին գտնվում է գյուղի կենտրոնում եւ տեսանելի է գյուղի գրեթե բոլոր անկյուններից: Եկեղեցու արձանագրությունները որեւէ տեղեկություն չեն տալիս եկեղեցու հիմնադրման տարեթվի մասին, սակայն ճարտարապետական ու գեղարվեստական վերլուծությունները ապացուցում են, որ այն կառուցվել է 6-րդ դարում: Վերջին կանգառը Քոբայրի վանքն է: 13-րդ դարում այստեղ ճարտարապետների ու վարպետների երեւակայությունը հասել է զարմանալի ձեռքբերումների: Վանական համալիրը բաղկացած է երեք եկեղեցիներից, մատուռներից, սեղանատնից եւ այս ամենը կառուցված է մի զառիվեր, դժվարամատչելի ժայռաբազուկի վրա՝ շրջապատված բազմաթիվ քարանձավներով: Ամբողջ համալիրը թվում է, թե ուղղակի ներաճած է ժայռերի մեջ ու բնության անբաժանելի մաս է կազմում: Երեկոյան վերադառնում եք Երևան: Գիշերակաց Երևանում:

Նախաճաշ հյուրանոցում: Ջերմ հրաժեշտ, տեղափոխում օդանավակայան և մեկնում: